من طرف 
السلام عليكم ورحمة الله وبركاتهتحيه عطره لجميع أعضاء ومشرفين المنتدى ،،،
قصيده لا اعلم صاحبها،،،
ياعين من حطيت عيني بعينـه @@@@ وابطيـت واقـف فـي بحـر عينـه امـوج
ابحـرت فـي عينـه بليـا سفينـه @@@@ سجـيـت فيـهـا لـيـن ضيعـنـي الـمـوج
حاولـت الـد الشـوف عمـا يهيـنـه @@@@ ولا انتبـهـت الا وانــا فـيـه ملـبـوج
شفت الفتن في ملتقى حاجبينه @@@@ والسحر في عينه مع الزيـن مدمـوج
اسود سواده لابسته السكينه @@@@ وابيض بياضه طايـش اللـون مرجـوج
زاويـه طـرف ٍ حاجـز ٍ دمعتينـه @@@@ لـولاه كــان الـخـد بالكـحـل مـمـزوج
كاسيه رمش ٍ زاد ملحه وزينه @@@@ من فوق متكحل ومـن تحـت مدعـوج
بين الرموش السود شفت الغبينه @@@@ واللي رماه الرمش ماعاد له بوج
مـرت ثوانـي مـن حياتـي ثمينـه @@@@ وانـا اتهـادى بيـن الاشــواق وأدوج
مرت وانا قابض علـى راحتينـه @@@@ واقـف مقابـل لـه وساهـي ومدلـوج
مدري وش اللي صار بينـي وبينـه @@@@ والقلـب ماردنـه ضلوعـي العـوج
ولا انتبهت الا بسحبـة يدينـه @@@@ قـال انـت تبغـى النـاس تلحقنـي هـروج
قلت اعذر اللي شافـك الله يعينـه @@@@ يبطـي ودمعـه بعـد فرقـاك مزعـوج
عينك بنظـرات الغـلا مستهينـه @@@@ قـال الغـلا فـي داخـل القلـب منسـوج
قلت الوعـد قـال ايـه كلـش بحينـه @@@@ الله يفتـح لـك مـن الضيقـه فجـوج
قلت آآه طيب شف لي الدرب وينه @@@@ قال انتبه باقي على شفتك روج
اتمنى ان تنال اعجابكم ،،،
