القصيده :الأم

    شاطر
    avatar
    cold fire
    مشرف الذائقة النثرية و الشعرية

    ذكر
    عدد الرسائل : 522
    العمر : 23
    المزاج : rayeg
    مزاجك اليوم :
    تاريخ التسجيل : 22/10/2008

    33+3+ القصيده :الأم

    مُساهمة من طرف cold fire في الأربعاء نوفمبر 05, 2008 5:50 pm

    القصيده :الأم

    قصيدتي زاد بعيوني جمالها
    واخذت أنقي بالمعاني جزالها
    واكتب معانيها من الشوق والغلا
    لأمي وأنا اصغر شاعر ٍمن عيالها

    كتبتها في غربتي يوم رحلتي
    لما طرالي بالسفر ماطرالها
    امي وانا بوصف لها زود حبها
    وان ماحكيت لها قصيدي حكالها
    امي لها بالقلب والجوف منزله
    مكانة ماكل محبوب نالها
    اقرب من ظلالي وانا وسط غربتي
    وانا تراي اقرب لها من ظلالها
    ماشافت اعيوني من الناس غيرها
    ولا خلق رب الخلايق مثالها
    اغلا بشر في جملة الناس كلهم
    واكرم من ايدين المزون وهمالها
    اتبع رضاها ورتجي زود قربها
    واللي طلبته من حياتي وصالها
    الصدق مرساها والاشواق بحرها
    والعطف واحساس الغلا راس مالها
    اهيم فيها وابتسم يوم قلبها
    يسأل وانا قلبي يجاوب سؤالها
    وان اطلبتني شي فزيت مندفع
    اموت أنا واحمل تعبها بدالها
    واصبر على الدنيا والاحزان والتعب
    واحمل على متني فطاحل جبالها
    واسهر اعذب راحة القلب بالشقا
    واعيش اعاني بس يرتاح بالها
    تربية ابوي اللي على الطيب بذكرة
    اللي وهبني الحياه ومجالها
    نور لي ادروبي وانا طفل مبتدي
    حتى تركني واحد من رجالها
    الوالدين اولى بالاحسان لجلهم
    وأولى بتكريم النفوس وعدلها
    اقولها وانا على الله متكل
    والله عليم بقدرتي واحتمالها
    ياكلمة اغلى من الناس كلهم
    ياشمس بقلبي بعيد زوالها
    يافرحة تملي لي الكون باكمله
    ياشجرة تكبر ويكبر ظلالها
    تضحك لي الدنيا ليا شفت زولها
    مثل السما تزها بطلة هلالها
    والبعد عنها ياهل العرف ماقدره
    لاشك ناري زايدة بشتعالها
    ماعيش ببلاد ولاهيب بأرضاها
    ولابي عيوني كان ماهي قبالها
    أرض ٍ تدوس امي بالاقدام رملها
    اموت فيها واندفن في رمالها



    بقلم : حامد زيد
    avatar
    ولد التميمي
    المدير العام

    ذكر
    عدد الرسائل : 488
    العمر : 32
    المزاج : tmam
    الهوايه :
    تاريخ التسجيل : 17/10/2008

    33+3+ رد: القصيده :الأم

    مُساهمة من طرف ولد التميمي في الخميس نوفمبر 06, 2008 3:44 pm

    لأمي وأنا اصغر شاعر ٍمن عيالها

    تعلم الابداع

    مشكوووووور كولد عالقصيدة


    _________________
    ...!$%^&**&^%$!...
    avatar
    cold fire
    مشرف الذائقة النثرية و الشعرية

    ذكر
    عدد الرسائل : 522
    العمر : 23
    المزاج : rayeg
    مزاجك اليوم :
    تاريخ التسجيل : 22/10/2008

    33+3+ رد: القصيده :الأم

    مُساهمة من طرف cold fire في السبت نوفمبر 08, 2008 10:47 am

    العفو

    و انا وياك صج مبدع حامد زيد

    madridy4ever
    مشرف صرقعه الاسلامي

    عدد الرسائل : 260
    العمر : 52
    المزاج : طيب
    مزاجك اليوم :
    الهوايه :
    تاريخ التسجيل : 23/10/2008

    33+3+ رد: القصيده :الأم

    مُساهمة من طرف madridy4ever في الإثنين نوفمبر 10, 2008 1:26 pm

    عساك على الكوة ومشكور
    avatar
    cold fire
    مشرف الذائقة النثرية و الشعرية

    ذكر
    عدد الرسائل : 522
    العمر : 23
    المزاج : rayeg
    مزاجك اليوم :
    تاريخ التسجيل : 22/10/2008

    33+3+ رد: القصيده :الأم

    مُساهمة من طرف cold fire في الإثنين نوفمبر 10, 2008 2:04 pm

    الله يقويك و يعطيك العافيه حبي

    لا تحرمنا من هالطلات

      الوقت/التاريخ الآن هو الجمعة سبتمبر 21, 2018 12:32 pm