il brt8ali

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

4 مشترك

    القصيده :تزعلين وتقعدين

    cold fire
    cold fire
    مشرف الذائقة النثرية و الشعرية


    ذكر
    عدد الرسائل : 522
    العمر : 29
    المزاج : rayeg
    مزاجك اليوم : القصيده :تزعلين وتقعدين T3ban
    تاريخ التسجيل : 22/10/2008

    33+3+ القصيده :تزعلين وتقعدين

    مُساهمة من طرف cold fire الأربعاء نوفمبر 05, 2008 5:51 pm

    القصيده :تزعلين وتقعدين

    عافت الشمس المدينة وأعلنت وقت الزوال
    رغبةٍ للنوم منها مع عيون الناعسين

    أبعدت من يوم شافت بالسما ضيّ الهلال
    كنّها كانت تهزّا بالهلال وتستهين

    كفكفت صبح التلاقي من ورا روس الجبال
    واستخارتني وراحت وابعدت عن كل عين

    وانتي أخطيتي خطاها وانعزلتي بالوصال
    ولا رحلتي من سكات ولا وعدتيني تجين

    عشت عمري بالمحبة في سبيل الاحتمال
    وانتي تعيشين عمرك تفرحين وتجرحين

    من غرورك في جمالك ما عطيتيني مجال
    وأدري إنك تفهميني لو بغيتي تفهمين

    كيف أشوف الشمس تشرق بالسما وانت ظلال ؟
    ومن يعيش بوسط غارٍ للذياب الجايعين ؟

    كنت أحسب الكره زايل والجفا لو طال زال
    ولا بديتي بالغرام ولا بقى فيني حنين

    أشهد إني ما خطيت ولا نويت الانعزال
    وما خدعتك في غرامي لين شفتك تخدعين

    اصدقي بالوعد مرة لي ولو فيها سؤال
    من عرفتك ما أذكر إنك توعدين وتصدقين

    كنت أشوفك من عيونك تأمرين أقوى الرجال
    والله إني قبل أعرفك ما هقيتك تخضعين

    كنت أشوفك تبعدين وقلت من باب الدلال
    وإن بعدتي عن عيوني قلت باكر ترجعين

    كنتي أكثر في عيوني من عدد وبل الخيال
    وين أنا ما الد وجهي كنت أشوفك تضحكين

    وإن بغيت أصد عنك من يمين ومن شمال
    ما قوت عيني تلفّت لا شمال ولا يمين

    عاشقٍ والعشق بلوى وأشهد إن الحال حال
    ولا تركتي رحمة الله ولا عرفتي ترحمين

    وأدري إنك في غرامي للأسف نلتي منال
    افترقنا في دقايق والسبب لعنة لعين

    حبك أشبه في غرامي بالوصال الانفصال
    ويلعب الخفاق لعبة كبرياء الخاضعين

    بالهوى ماهي غريبة نكبة عيال الحلال
    ولاني أول من يصون ولا انتي آخر من يهين

    الصداقة في عيون الناس منفى للعدال
    وكان ردّت للصراحة كلبونا مذنبين

    المحبة شبه زالت والصداقة لاتزال
    بس أببقى في عيونك ( حامد ) اللي تعرفين

    علّميها يا قصيدة واضربي فيني مثال
    عرفيها بالبداوة في طباع الأولين

    علّميها كيف نصنع صبرنا والاحتمال
    علّميها كيف نفلح بالعمل دنيا ودين

    علّميها في سوالف حلّنا والارتحال
    علّميها كيف نظهر جورنا للجايرين

    علّميها يا دقايق ، علّميها يا ليال
    علّميها يا عصور وعلّميها يا سنين

    إن عشقنا ما بغينا غير عشقٍ بالحلال
    وإن نوينا ما لفينا كود ناس طيبين

    كاملينٍ في عطانا بس لله الكمال
    والرجل فينا غرامه لو يعين ويستعين

    ابدويٍ ما يقوده للردّى شد الحبال
    يعسف اليدّ الشحيحة للعطا حتى تلين

    همنا فعل الرجولة رمزنا لبس العقال
    وانتي المكياج كله صار في وجهك سجين

    عندك المكياج موضة تحسبين إنه جمال
    صار همك في حياتك تكشخين وتطلعين

    والا أنا قلبي بقى لي بالمحبة راس مال
    والله اللي مبتليني بالهوى والله يعين

    إن بغيت أعشق أبالقى كثر حبّات الرمال
    لكن انتي لو بغيتي صعب مثلي تعشقين

    قلت لك كل الصراحة وأختم أطراف الجدال
    وإن زعلتي من كلامي تزعلين وتقعدين



    بقلم : حامد زيد
    ولد التميمي
    ولد التميمي
    المدير العام


    ذكر
    عدد الرسائل : 488
    العمر : 38
    المزاج : tmam
    الهوايه : القصيده :تزعلين وتقعدين Readin10
    تاريخ التسجيل : 17/10/2008

    33+3+ رد: القصيده :تزعلين وتقعدين

    مُساهمة من طرف ولد التميمي الخميس نوفمبر 06, 2008 3:45 pm

    مشكووووووووووووووووووور

    القصيدة روووووووووووووووووووووووووووووووعه
    cold fire
    cold fire
    مشرف الذائقة النثرية و الشعرية


    ذكر
    عدد الرسائل : 522
    العمر : 29
    المزاج : rayeg
    مزاجك اليوم : القصيده :تزعلين وتقعدين T3ban
    تاريخ التسجيل : 22/10/2008

    33+3+ رد: القصيده :تزعلين وتقعدين

    مُساهمة من طرف cold fire السبت نوفمبر 08, 2008 10:46 am

    الغفو

    و شكرا على ردودك الرائعه
    avatar
    madridy4ever
    مشرف صرقعه الاسلامي


    عدد الرسائل : 260
    العمر : 58
    المزاج : طيب
    مزاجك اليوم : القصيده :تزعلين وتقعدين Thinking
    الهوايه : القصيده :تزعلين وتقعدين Riding10
    تاريخ التسجيل : 23/10/2008

    33+3+ رد: القصيده :تزعلين وتقعدين

    مُساهمة من طرف madridy4ever الإثنين نوفمبر 10, 2008 8:40 pm

    مشكووور على قصايدك الي تختارهم لان كلشي من اختيارك يعني روعة وما في احلى منه
    cold fire
    cold fire
    مشرف الذائقة النثرية و الشعرية


    ذكر
    عدد الرسائل : 522
    العمر : 29
    المزاج : rayeg
    مزاجك اليوم : القصيده :تزعلين وتقعدين T3ban
    تاريخ التسجيل : 22/10/2008

    33+3+ رد: القصيده :تزعلين وتقعدين

    مُساهمة من طرف cold fire الثلاثاء نوفمبر 25, 2008 5:00 pm

    مشكووور اخوي

    والله انت راعي ذوق

    تحياتي لك
    Emperor of darkness
    Emperor of darkness
    مشرف دكان صرقعه للكمبيوترات


    ذكر
    عدد الرسائل : 624
    العمر : 30
    المزاج : الحمدلله
    مزاجك اليوم : القصيده :تزعلين وتقعدين Reading
    الهوايه : القصيده :تزعلين وتقعدين Chess10
    تاريخ التسجيل : 10/11/2008

    33+3+ رد: القصيده :تزعلين وتقعدين

    مُساهمة من طرف Emperor of darkness الثلاثاء نوفمبر 25, 2008 8:24 pm

    تسلم

    ننتظر ابداعاتك
    cold fire
    cold fire
    مشرف الذائقة النثرية و الشعرية


    ذكر
    عدد الرسائل : 522
    العمر : 29
    المزاج : rayeg
    مزاجك اليوم : القصيده :تزعلين وتقعدين T3ban
    تاريخ التسجيل : 22/10/2008

    33+3+ رد: القصيده :تزعلين وتقعدين

    مُساهمة من طرف cold fire السبت نوفمبر 29, 2008 2:28 pm

    الله يسلمك

    ان شاء الله اليديد جرييب

      الوقت/التاريخ الآن هو الجمعة مارس 29, 2024 12:55 am